Prayer no de end for my mouth for this my big sis @ogoowinner wey de bring this edition of dis our Nigeria Pigin Contest, God go continue to de bless you.
Creed of my life
Creed make I first tell una wetin e mean, creed na person personal belief, my creed to de serve God 24/7, every Sunday make I de go church even if i no get beta cloth wear and to get one kind work for church, my creed go de different from your own creed because say my mind go de different from your own pata pata, e no de possible lai lai make we get the mind
My creed na to de help everybody wey need my help anytime anywhere, make i get free mind with every person, wetin i no fit do make person no do am for me at all
I no say for dis life ehn person just gats de very careful, make fight no de sup everytime
to get peace wit everybody wey i sabi and from bab God.
make i de help person de very important
make i de forgive person and forget everytime
make i de love person wit my full mind na hin sure pass
make i de get mercey for people wey de around me
This person picture na my mentor Mr Odulade Adekola
God go bless una as una take time check my work
