صبح سویرے کا وقت
السلام وعلیکم دوستو امید ہے آپ خیریت سے ہوں گے میں صبح سویرے پانچ بجے اٹھا موسم بہت اچھا تھا گرمی نہیں تھی میں نماز پڑھنے کے لئے مسجد میں پہنچا وضو کیا اور پھر میں نے باجماعت نماز ادا کی اور کچھ دیر میں مسجد میں تسبیحات پڑھنے کے لئے رک گیا ۔ جب میں مسجد سے باہر نکلا تو آسمان پر گہرے بادل چھائے ہوئے تھے ٹھنڈی ہوا چل رہی تھی میں نے اس ٹھنڈی ہوا میں واک کرنے کا فیصلہ کیا اور واک کرنے کے لئے چلا گیا میں نے بادلوں کی تصاویر لیں جو میں آپ کے سامنے پیش کر رہا ہوں۔
واک کرتے ہوئے میں قبرستان میں جا پہنچا وہاں پر اپنے آباؤ اجداد کی قبروں پر فاتحہ خوانی کی اور پھر میں واک کرنے میں مصروف ہوگیا میں نے ایک کلومیٹر تک واک کی ۔ واک کرتے ہوئے جب مجھے تھکاوٹ محسوس ہوئی تو میں گھر کی طرف روانہ ہو گیا اور کچھ دیر بعد میں گھر پہنچ گیا۔گھر پہنچ کر میں نے ناشتہ کیا اور پھر میں نے ایک ضروری کام کے سلسلہ میں باہر جانا تھا میں تریخیل اڈہ پر پہنچ گیا ۔
میں جب لفٹ ایریگیشن سکیم تری خیل کے پاس پہنچا تو میں نے وہاں پر اپنا موٹر سائیکل روکا اور میں نے لفٹ ایریگیشن سکیم کی کچھ تصاویر لیں تاکہ آپ کو لفٹ ایریگیشن سکیم دکھا سکوں یہ بہت پرانی سکیم ہے اس سے ہزاروں ایکڑ اراضی سیراب ہوتی ہے یہ ہمارے علاقے کے لیے ایک نعمت ہے ۔میں نےجس شخص کے پاس جانا تھا وہ وہاں پر ملازمت کرتا ہے میں نے اس سے ملاقات کی اور پھر میں گھر واپس آ گیا۔
دوپہر کا وقت
کچھ ہی دیر میں میں گھر واپس آ گیا اور گھر پہنچ کر میں نے دکان کی چابیاں لیں اور دکان کی طرف چلا گیا دکان کا دروازہ کھولا صفائی کی صفائی کرنے کے بعد میں نے کپڑوں کی کٹائی کی اور پھر سلائی میں مصروف ہوگیا میں نے کچھ دیر سلائی کی تو دن کے 12 بج چکے تھے میں نے دکان بند کر دی اور گھر کھانا کھانے چلا آیا گھر پہنچ کر میں نے ہاتھ منہ دھویا اور کھانا
کھایا کھانا کھانے کے بعد میں نے کچھ دیر آرام کیا اور پھر میں نے دوبارہ دکان جانے کا فیصلہ کیا اور دکان میں چلا گیا اور اپنا باقی کام مکمل کیا۔
جب میں نے کام مکمل کر لیا تو میں نے دکان بند کی اور جانوروں کے لئے چارہ کٹائی کرنے کے لئے چلا گیا میں نے چارہ کٹائی کیا اور وہاں پر میں نے ڈریگن فلائی کی کچھ تصاویر بھی لیں جو کہ گھاس میں موجود تھی۔
شام کا وقت
میں نے کچھ دیر آرام کیا اور پھر چارہ اپنی موٹر سائیکل پر لادا اور گھر کی طرف چلا آیا گھر پہنچ کر میں نے جانوروں کو چارہ ڈالا اور شام ہو گئی سورج غروب ہونے لگا میں نے سورج کی ایک تصویر لی اور پھر میں نے اپنی ڈائری رپورٹ تیار کی جو میں آپ کے سامنے پیش کر رہا ہوں امید ہے آپ کو میری ڈائری پسند آئے گی
This report was published via Actifit app (Android | iOS). Check out the original version here on actifit.io
