ပြီးခဲ့သော နှစ်ပတ်လောက်က စျေးက ဝယ်လာသော
ချဥ်ပေါင်ရွက်များကို စားပြီး အရိုးများကို ပုံးထဲ
ထည့်စိုက်ထားရာ အခု အရွက်များ ထပ်ထွက်လာပေသည်
ချဥ်ရေဟင်း တစ်ခွက်လောက်တော့ ချက်စားလို့ရမည်
ထင်ပါသည် အိမ်က တိုက်ခန်းဆိုတော့ ပလပ်စတစ်
ပုံးကြီးထဲကို မြေကြီးထည့်ပြီး စိုက်ချင်တဲ့ အပင်
စိုက်လေ့ရှိသည် အရင်က အဲဒီအိုးထဲတွင် ဒန့်ဒလွန်ပင်
ထည့်စိုက်ထားရာ ဒန့်ဒလွန်သီး ၉ ချောင်းလောက်
စားခဲ့ရသေးသည် ဒန့်ဒလွန်ပင်က မိုးတွင်းတုန်းက
ရေဝင်ပြီး သေသွားသောကြောင့် ဘာမှ မစိုက်သေးဘဲ
လွတ်နေသော ပုံးကြီး ဖြစ်သည် ထိုပုံးထဲတွင်
ချဥ်ပေါင်ရွက် ရိုးတံများ မိမိကိုယ်တိုင် ထိုးထည့်ထားခြင်း
ဖြစ်သည် ပုံကို ကြည့်ရှုကြပါဦး မိမိ၏ ဘာရယ်မဟုတ်သော
ဤပို့စ်လေးကို ဖတ်ရှုပေးသည့်အတွက် ကျေးဇူးတင်ပါသည်
စျေးကဝယ်သော ချဥ်ပေါင်လိုတော့ အပင်က မသန်ပါ
နောက်ပို့စ်များတွင် မိမိတို့ တိုက်ခန်းပေါ်တွင် စိုက်ပျိုးထားသော
အပင်များနှင့် မိတ်ဆက်ပေးပါဦးမည်