Kegunaan dari beberapa tanaman dan tumbuhan untuk obat disebutkan dalam bentuk nadzam oleh orang Aceh:

On geulinggang ubat kurap
asam urat on campli buta
malaria ie ön langsat
boh pineung klat keuseulera muda

Kulèt manggèh ubat saket dalam
minyeuk nilam ubat keurawat pha
cit geutah rubèk ubat geutuet
meunyo luka pruet ie ön gaca

Boh leupieng keu ubat ulee
boh keumudee geuntet teuga
Keu ubat busöng on mee tanoh
asam lamböng boh gadöng sukla

Ubat cirèt pisang panjoe
ubat gigoe minyeuk pala
ubat leupie peutèk madu
ubat glèhsu ie ön saga

Cit purèh ön 'u keu sakèt reukueng
ranup uteun keu peunawa
On kurundöng ubat tinggi darah
meunyeuk U teuprah keu uröt pha

Ubat tumbön pajöh peundang
langsèng badan boh mee beuna
kacang longlai ubat batén
nyo lawang klèng ubat dada

Meunyo ön rumpuen ubat teungeut
nyo ön tjuluet keu pruet diputa
Ubat hatee ingat Allah
ubat susah piasan beuna.