Hadih Maja Peut Bareh #A 1

Aceh peulubeh droe
Pidie pungie droe
Meurudu peutungku droe
Peusangan peu nan droe
Aceh teungku
Melayu Abang
Cina toke
Kaphe tuan
Adat meukoh Reubong
Hukom meukoh purieh
Adat juet beurangkahoe takong
Hukom hanjuet beurangkahoe takieh
Adat bak poe teumuruhom
Hukom bak syiah kuala
Qanun bak putroe phang
Reusam bak bentara
Alah hai Mak ti
Keubiri panyang lungkee
kaneutupue jih pancuri
kupue nutueng keu mulintee
Anuek dara jijak munte
Jilhat alei jicong limeng
Jipot angen rhot alei
teukujot asee jikap kameng
Anuek tan tuah
tabie rumoh jipugot keu rangkang
tabie lampoh jipugot keu blang
tabie inong jipugot keu jalang
Ayah ngoen poma seureta guree
urueng nyan ban lhee ta peumulia
meunyou na salah mu ah talakee
Akhirat teuntee han mutumee bahaya
Apa itu lam kulumbam
Apa itam lam kulumbu
urueng laen ka jiek moto sedan
ulon tuan mantong giduek pha geuneuku
Alem nahu mantek hikam
arulz bayan ngon fukaha
jeut tafuse kalam tuhan
hadis sajan meunee teuka
Awai boh bayeuk leudoe boh birah
pane lom leumah seunulhob kana
Meunyoe han ek le ta timbon tamah
Pane lom leumah guna meuguna

sekian
oleh : @abidzar2014