ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତା ବିଦ୍ୟୁତ ଜାମୱାଲଙ୍କ ଅଭିନୀତ ଫିଲ୍ମ ‘ସନକ ହୋପ ଅଣ୍ଡର ସିଜ୍’ ଅକ୍ଟୋବର ୧୫ ଡିଜ୍ନୀ ପ୍ଲସ ହଟଷ୍ଟାରରେ ରିଲିଜ୍ ହେବ । ଏହି ଫିଲ୍ମରେ ବଙ୍ଗୀୟ ଅଭିନେତ୍ରୀ ରୁକ୍ମଣୀ ମିତ୍ରା, ନେହା ଧୂପିଆ ଏବଂ ଚନ୍ଦନ ରୟ ରହିଛନ୍ତି ।
କନିଷ୍କ ବର୍ମାଙ୍କ ଦ୍ୱାରା ନିର୍ଦ୍ଦେଶିତ ‘ସନକ’ ଦଶହରା ଅବସରରେ ମୁକ୍ତିଲାଭ କରିବ । ସେହିପରି ନିର୍ମାତା ଏହି ଫିଲ୍ମର ଏକ ପୋଷ୍ଟର ମଧ୍ୟ ରିଲିଜ୍ କରିଛନ୍ତି ଯେଉଁଥିରେ ବିଦ୍ୟୁତ ଗୋଟେ ହାତରେ ଏକ ଶିଶୁ ଏବଂ ଅନ୍ୟ ହାତରେ ବନ୍ଧୁକ ଧରିଥିବାର ନଜରକୁ ଆସିଛନ୍ତି ।
ନିଜର ଉତ୍ସାହକୁ ବ୍ୟକ୍ତ କରି ନିର୍ମାତା ବିପୁଲ ଶାହ କହିଛନ୍ତି କି, ‘ସନକ’ ର ତାରିଖ ଘୋଷଣା କରି ମୋତେ ବହୁତ ଖୁସୀ ଅନୁଭବ ହେଉଛି । ଯାହାକୁ ଆମେ କରୋନାର କଠିନ ସମୟରେ ସୁଟ୍ କରିଥିଲୁ । ଏହି ସମସ୍ତ ପ୍ରୟାସର ଏକମାତ୍ର ଉଦ୍ଦ୍ୟେଶ ଥିଲା ଲୋକମାନଙ୍କୁ ମନରଞ୍ଜନ କରିବା ।