Peuratep Aneuk
Deungeun Bismillah loen kheuen awai phoen ayoen diek treun sinyak madoda, taeh beurijang wahe aneuk loen taeh hai iee mboen lam ayoen ija
Nyoe ubat Ma sanjoeng - sanjoeng gata aneuek loen jantoeng hate Ma
Lailahaillallah muhammadarrasullullah
Lailahaillallah sinyak saboh beumeutuah
Tuah aneuek hana dimoe - moe beumangat asoe jantoeng hate Ma, beuseumateeh gata boh hate oeh uroe page temeueng Syuruga
Beubagah rayeuek sinyak ubiet cuet meuintat jak beuet deungeun sikula bah tameuhitoeng Sa Dua Lhee Peuet supaya ngak jeut tabeuet Aleh Ba
Sinyak meuhitoeng Sa Dua Lhee Peuet supaya ngak jeut tabeuet Aleh Ba
Bu beuleuleu eungkoet beu cuet - cuet meunan keuh geukheun lee ureung tuha, Ileume donya beuna tatuntut temeurunoe beujeuet ileume agama, meuyeu na sikula tanyoe jeuet keubuet meuyeu na tajak beuet jeuet keu Ulama
Allah hai dokudoidi boh kaye quldi dalam syuruga meunyeu geut akhlak budi pekeurti geuet di sayangi lee ureueng liengka
Allah hai poe ilahirabbi tajunjoeng tinggi nyan poe kuasa, uroe ngeuen malam tapujoe Rabbi bah bek taeuei apuei Nuraka
Sayang - sayang aneuek loen sayang timang - timang sibijeh mata oeh rayeuek sinyak Ma bek tapeulang - lang beu geuet tasayang nyoe ureueng tuha, singeuh hai aneuek Ma bek ta peulang - lang beugeuet tasayang nyoe ureueng tuha
Beuna tapateeh aneuek meutuah bek sinyak bantah sue ureueng tuha, na rizoe Poma na rizoe Allah meunan geupeugah dalam agama, bek sampe aneuek durhaka dikah Syuruga indah yuep gaki Poma
Allah hai dokudodaidang Ma sayang sinyak putehdi loen doa keu sinyak beu seunang neubri le tuhan mudah raseuki, oeh singeuh sinyak na keuleeubehan bek tuweue sayang beue leu berbagi mandum atra nyoe titipan tuhan geutanyoe insan harus tasyukuri, bek sinyak hudep deungan keuangkuhan bek sampe sayang leuepah keundali, beuna teuingat Poma ngeuen Ayah supaya berkah mandum raseuki kadang siet neujoek izin lee Poe tallah tameugrak langkah u tanoeh suci, leue that pahala aneuek meutuah Poma ngeuen Ayah tapeue eek haji
Lailahaillallah Muhammadarrasulullah
Lailahaillallah aneuek meutuah lam ayoen doda teungeut hai aneuek beurijang - rijang beu geuet takeunang mandum peusan Ma, nyoe katrok wate tapeet hai sayang wahe buleuen trang uroe kajula
Lailahaillallah......
Lailahaillallah......