Assalamu'alaikum e syara mtuwah,
haba lon neuk kisah masa Yoh muda.
Tapi lon Ratoh dile masa yoh ubit,
masa lon geutingkue lam gapiet poma,
Wate lon lahe thon tujoh ploh nam,
nibak masanyan buleun puasa.
Malam tujoh blah buleun Ramadhan,
lahe lon tuan keunoe u Donya.
Lon aneuk tulet aneuk yang keu lapan,
geuboh nan lon tuan Fauzan azimat.
Cut kak lon dua Abang lon na limong,
mandum jinoe manteong udep lam donya:
Masa ubit lon yoh galom lon jak sikula,
Udep keluarga lon meuteng paneng keurija Hana.
Adak na keurija sit meujak meugoe blang,
Ekonomi kayem reumphang meu peng jajan hana.
Wate umu lon Kana tujoh thon,
Lon geujak peutamong fon bak sikula,
Sikula SD Sinan lon meurunoe
Langet ngon bumoe ka lon turi beda.
Tamat SD lon tameong kuliah
Bak saboh fakultas yang di lua angkasa
Fakultas ekstrem sinan lon asah droe
Sinan lon laloe ngon eleume Donya
Abeh kuliah lon jak meuranto
Keudeh u nanggroe seulat Malaka
Nanggroe Malaysia sinan lon Poh Poh droe
Ngon linggeh beusoe lon sungket beulanja
Hek that keurija phet meuseupet
Bak lon let ringget di Tanoh Malaya
Meuheut hate keu peundampeng udep
Beulanja lon peusep keu lon me tanda
Bak saboh uroe lon Pike kasep
Balek u Aceh Ngon bot mini
Rot likot lon woe paspor lon Hana
Karna kad sunami lon Hana koh
Meuheut lon kadang lon balek lom
Padahal oh troh u Aceh lon Kana jodoh
Lon sateoh peusunteng sidroe gadih jeulita
jino lon Kana Aneuk dua.....
Nyo oh no kabeh hana lam panton
Ceurita sejarah lon lam haba gura
Teurimong geunaseh kalheuh neubaca
Ci neu komen kiban na haba:
- Fauzan azima
- Muhammad Rizky
Saleuem keu steemians
