"Naa na sad ta ani Jackelyn. Mo-engon na sad kag 'di na gyud ka mahigugma unya maghilak na sad ka'g lansang parehas karon."
Binuang nako nga storya ni Jackelyn samtang nagahilak sya ky gibinuangan na sad sya's iyang uyab nga ang ngalan Eric. Pinabakho-bakho pa gyud mura bitaw'g namatyag ering.
"Saba diha Tony oi! Pahulama nalang kos abaga nimo karon."
Pabebe niyang storya nga nagakorog ang tingog kay naghilak og grabe.
"Hilak lang diha gud, anad naman ko."
Oo, anad nako, naanad nako ani niya apan ang sakit nga sa panahon makita nako sya maghilak dili gyud nako maandan sa point nga dili nako mobati og sakit. Wala lang sya kabalo sa panahon nga hilakan ko niya, ineg uli nako sa amoa maghilak sad ko. Hilak tungod ky bisan unsaon nakog patagad dili sya ma-akoa.
Sa akong nahinumdoman, dogay na kaayo mi amigo ni Jackelyn. Luyahon sya og hilakon sa bata pa, unya ky silingan man mi. Ako ang gi-hangyo sa iyang mama nga bantayan sya og protektahan. Pilmiro samokan ko sa iya kay OA gyud kaayo or Over Acting. Hilasan ko maminaw sa iyang syagit ky nahadlok sa ilaga, ok-ok unsa pa na nga malalang mananapa. Apan nadogay, natakdan ba kaha ko o nadaot nako sa iyang ka OAness. Nacute-tan naman hinuon ko nga murag na-amaw kay magkatawa sa sa panahon makita nako sya'ng magdrama.
High school mi ato, J.S. prom. Dogay ra man unta ko nagplano nga ako iyang epartner. Nagmugna-mugna nako og esulti sa iyaha unsaon pag rason nga dili sya kahalata. Dili niya ba mahalata nga dream nako makasayaw sya. Apan sa lood nga oras, lood sya kay pilmiro ko nagahilak tungod niya. Nadungog man gud nako ang ilang storya sa iyang amiga nga klasmet sad nako.
"Jackelyn, nganong lain man imong partner sa J.S. prom? Si Tony di-ay? Bagay baya gyud mo og dili matingala ang mga tawo kay daghan sa amoa nagtoo nga uyab mo."
Storya sa iyang amiga nga si Ara, nakurat kay naa na sya'y partner og usa sad ko nakurat og nasakitan.
"Si Tony?" Amaw man ka oi", tubag niya nga pinakatawa unya dayon hapak sa abaga.
"Hilas kaayog nawong tong tawhana man. Dili mi angayan og dili sya interesado kay lain man siguro iyang gusto."
Sukad nga nadungog nako ang storya niya ni-adtong panahona midistansya nako niya. Sood gihapon mi apan naglikay nako ky murag nalooy kos akong kaugalingon kung mahigugma sa iya. Tood nahugugma naman gyud ko niya apan medyo okay ra basta ilingaw nako akong kaugalingon sa uban.
Nawala kos akong huna-huna nga anaa man dys Jackelyn naghilak sa akong dughan kay nagsige ko og huna-huna sa sauna. Wa ko kabantay nga nakatulog naman dy sya. Gipukaw nako apan dili gyud momata, no choice gyud ko bisag dili bata pareha sauna. Gibaba nalang sya nako padong kalsada para mosakay og taxi.
"Bayot ka Ton?"
Mikalit sya'g pangutana samtang ako sya gikarga pero nakapiyong gihapon ang mata sa pag lingi nako. Wa lang ko nakurat, mura sad kog gisagpa oi.
"Hoy! Naunsa ka Jackelyn, nabuang naka?"
Ay amaw, gisakyan nuon nako sya og nagpabayot-bayot ko.
"Yawa! Tarong ba!"
Usob niya og pangutana unya gitook ko.
"Unsa mani oi? Mao nani piling og pikoton og babae? Unsa mani Jackelyn, ti-on naman ni oi."
Binuang nakog storya unya mikatawa.
"Ada….bawo nimo oi."
Sapot nga storya niya unya minaog sya.
"Bitaw Jackelyn, dili gud oi, mura kag just now ba I mean karon pa. Dogy nata amigo unya wa gihapon ka kabalo. How could you, joke ra bitaw."
Padayon nako'g binuang sa iya og storya.
"Unya nganong wa may epekto nimo akong mga drama?"
Medyo seryoso na, nakurat ko sa iyang storya. Wa ko katubag kay wa ko kahbawo unsay angay etubag.
"Tan-awa ra! Wa gyud ka, puro raka kabuang!"
Medyo nasuko na gyud sya og kalit mikosog ang boto sa akong dughan. Mikalit sad kog bati og bugnaw bisan wala man siguro sa'y kalag milabay.
"Pasabta ko Jackelyn kay naglibog nako."
Wa nako tuyoa nga makusog akong storya pero wa ko kabantay mitulo akong luha.
"Wala lang ka kabalo unsa kasakit sa akoa makit-an takang nasakitan. Wa ka kabalo kung unsa ko mohilak sa tago sa panahon nga naghilak kas akoang abaga. Wala ka kabalo sa akong gibati kadtong e-invite unta takag sayaw sa J.S. prom apan wa nalang kay ingon kag hilasan ka nako. Wala ka kabalo maong ayaw ko pangutan-a kung wala ba'y epekto sa ako ang imong drama."
Wa na nako napogngan akog kaugalingon og mikalit kog storya. Medyo nauwaw ko gamay bisan sakit og nagpadayon kog hilak. Mobalak syag dool og mitalikod ko unya mo-aksyon og lakang.
"Sorry Ton, pero ato nga time man gud nauwaw rako. Nagbasul man sad ko kay gusto gyud ko ikaw akong isayaw."
Mao tong nagpadayon syag storya samtang nag-gakos sa akong likod unya naghilak. Uwaw sya ato sauna kay ilado man ko nga kosog mag binuang lagi og maong ang mga tawo binuangan ra sad ko. Unya nakahibawo na sad ko nga kadtong mga hilak-hilak niya sauna's mga laki iya-iya rato. Gituyo niya aron mag selos ko, tanan laki gisabotan ra niya ky dako mag gusto sad sa iya.
Pagkahuman niya og storya sa tanan mi-atubang ko sa iya og mikatawa.
"Nawong oi!," binuang nako sa iyaha samtang nagtotok sa iyang mga mata.
"Amaw ai, dogy kaayo ka kasabot!"
Mihilak sya unya migakos og hugot sa akoa.
"Oh, ayaw palabi kay 'di nako makaginhawa sa imong gugma!"
Mikatawa ko unya mitan-aw sya nako og pinasuko. Dayon gikisan nako iyang lips og mi-engon.
"Lab-lab!'" Mikatawa ko og mikatawa sab sya unya mibalos og kiss.
END..
salamat sa pagbasa..
All content is my own unless otherwise noted
If images are being recycled, I just found it fit in my article.
Paul is the name but prefers to be called mrnightmare that feels like living in the dream. A country boy and a dreamboy (dreamer) who likes to stay in a small village even though it means abandoning the future to become a seaman. The passion is writing but not sailing in the vast ocean. Don't wonder if the face will not be shown, this is better where the words can flow smoothly. Come, have fun with me and be part of my journey while talking about life events and random activities. It's fun to learn about life, don't hesitate, let's figure it out as we continue enjoying staying in this world.
