Selamat siang sahabat steemian semua. Kenalkan Nama saya Adam Zainal, saya sering disapa dengan Kinet BE. Pada kesempatan ini kita akan kembali melihat sebuah pantun aceh. Dimana pantun Aceh adalah warisan budaya dan dan seni dalam bentuk hikayat, syair, dan gurindam.
Adapun salah satu contoh pantun Aceh sebagai berikut:
Buluen cukoep trang, di langet lambong
Mata uroe tron, lam reuoh reuah
Si jabet rampoe, meu heut loen suson
Juet neu khuen panton, hana masalah
Aceh lhe sagoe, jie thee sep agong
Nama jih haroem, juet juet wilayah
Nibak loen duk duk, jep kupi pancong
Liwa loen suson, baet loen unggah
Assalamualaikom, hai urueng gampong
Jaweub saleum loen, wangsa meu tuah
Mulia ranup, ikat meu suson
Mulia kawoem, sopan meu tingkah
Jinoe hareuto, ujoe loen peu tron
Teuntang silahon, nanggroe yang meugah
Aceh seuramoe, bumoe lam anjong
Dile saboh thon, jie thee sep gagah
Di malem diwa, yang mat juet duson
Ilme neu peu tron, keu banta mirah
Rakyat lam taat, neu pujoe rabbon
Hana meu singgong, teulanjoe lidah
Nanggroe pieh leupi, meuri lam jantong
Hana deuh hang hong, kawom lam fitnah
Rakyat dum ramah, teu leumah santon
Seu sama kawoem, geu tem meu susah
Yang mat pimpinan, raja yang agong
Urueng di sanjong, rata daerah
Areh ngon bijak, leumah biet haroem
Neu peugot hukom, dalam syariah
Han keumah kafe, di jak meu ron-ron
Neu picrok langsong, suah boet galah
Hareum tanoh nyoe, kafe jak kunjong
Geu tem bie racon, lam ie saboh glah
Wahee rakan droe, teungku ngon ampon
Bek seumah patong, kawoem di siblah
Ta peu kong fih e, Aceh ta junjong
Islam yang agong, ta jaga beu pah
Di barat seunja, bak akie guron
Leumah deuh ji tron, kawan poe meurah
Adat budaya, jaga rakan loen
Meunyoe ka sirong, hek that ta peupah
Donya ka ahke, jahee lam gampong
Urueng lam duson, tan le maruwah
Ka abeh laloe, ngon peng grik lam kom
Tuwoe keu rabbon, keu poe teuh ALLAH
peu tanda bumo, ka di meu ranggong
Leumah ta eu phon, dile roe darah
Lhueh nyan na bala, ALLAH neu peu tron
Kuta ngon duson, neubi musibah
Kaye dum mate, dalam krung ji ron
Naleung ka thoe oe'n, ranteng ka patah
Gunong dum di krok, le kuru burong
Suum lam gampong, hana pat peugah
Laot ka jie doe, di peugot geudong
Keude meu suson, rata daerah
Nibak bale beut, urueng dum geu tron
Kabeh meu ron-ron, bak lampu mirah
Bak rumoh tuhan, tan soe le kunjong
Meutan le kawoem, di dalam dayah
Ajaran seusat, juet rata duson
Leumah dali phon, ulama peugah
Meunan peu tanda, bumoe jie ranggong
Yatim meu ong ong, tan soe seudeukah
Di urueng kaya, laloe ngon tupong
Hana soe tulong, kawom yang susah
Seusama bangsa, ka ta meuhukom
Kabeh tapeh tong, indatu keubah
Reusam ngon qanun, hana ta sanjong
Adat lam gampong, kabeh ta cah cah
Anoe di pasie, geulumbang peu ron
Patah dheun aron, oh riyuek bicah
Oh noe meu mada, si kada panton
Meuah keu uloen, meunyo na salah.
Pena Kinet BE
